ޖުމްހޫރީޕާޓީގެ އިސްލާމިކް ވަހުދަތު ލީގްގެ ފަރާތުންއިންތިޒާމް ކޮށްގެން ބާއްވަމުންދާ ދީނީ ނަސޭހަތް ދިނުމުގެ ސިލްސިލާ ބައްދަލުވުމުގެ ތެރެއިން ބައްދަލުވުމެއް ބާއްވައިފި
ޖުމްހޫރީޕާޓީގެ އިސްލާމިކް ވަހުދަތު ލީގްގެ ފަރާތުން ބާއްވަމުންދާ ދީނީ ނަސޭހަތް ދިނުމުގެ ސިލްސިލާ ބައްދަލުވުމުގެ ތެރެއިން ބައްދަލުވުމެއް ބާއްވައިފިއެވެ. މި ބައްދަލުވުން ބާއްވައިފައިވަނީ ތިން ބަޔަކަށްބަހައިލައިގެން 17 ސެޕްޓެމްބަރ 2009 ވީ ބްރާސްފަތި ދުވަހު އދ.މާމިގިލީގައެވެ. ހުރިހާ އުމުރެއްގެ މީހުނަށްވެސް ބައިވެރިވެވޭ ގޮތަށް ބޭއްވި މި ބައްދަލުވުންތައް ބާއްވައިފައިވަނީ ސްކޫލުގެ ދަރިވަރުންނަށާއި، ބެލެނިވެރިންނަށާއި އަދި އާންމުކޮށް ރަށުގެ އެންމެހާ ރައްޔިތުންނަށެވެ. މި ބައްދަލުވުންތަކުގައި ރަށުގެ ގިނަ ރައްޔިތުން ބައިވެރިވިއެވެ. މިބައްދަލުވުން ތަކުގެ ބޭނުމަކީ ރައްޔިތުންގެ ހިތްތަކުގައި ދީނީ ހޭލުންތެރިކަން އުފެއްދުމުގެ މަޤްސަދުގައި ޖުމްހޫރީ ޕާޓީގެ އިސްލާމީ ވަޙުދަތު ދަމަހަށްޓާ ލީގުގެ ފަރާތުން ކުރިއަށް ގެންދަމުންދާ ސިލްސިލާ ޕްރޮގުރާމެކެވެ.